ÜBER ÜS

im Schnäuzug erwachsewärde - im Schnäuzug erwachsewärde - im Schnäuzug erwachsewärde - im Schnäuzug erwachsewärde - im Schnäuzug erwachsewärde

Üsi Gschicht

Mir hei üs ih üsem Bachelor-Studium “Multimedia Production” in Bärn lehre kenne. Mir si dazumau im erste Semester ih die glichi Gruppe ihteilt worde u hei nis drum no besser lehre kenne. Wöu mir beidi us dr Region Langethau chöme, hei mir dr glich Heiwäg vo Bärn uf Langethau u hei währenddesse immer gueti Gspräch im Zug gha. Wo näre dThematik Digezz isch cho, isch üs schnäu klar gsi, dass mir wei zämeschaffe. Ds nid nur wöu mer die glichi Arbeitsmorau hei, sondern ou, wöu mir beidi hei eh Podcast wöue mache.

Ds si mir

Wera

21i
liebt ihri Chatze meh aus Mönsche
im Chopf immer am Meer
ihri Ufgabe bi üs:
- IT-Chefin
- E-Mails schribe
- Technik uslehne
- "mit üs im Abteil"-Fouge schnide

Nicole

20gi
isch gärn Gastgäberin
im Chopf immer ide Bärge
ihri Ufgabe bi üs:
- Social Media-Chefin
- dGäst instruiere
- Podcaststudio bueche
- Gastfouge schnide

Üses Projekt

Mir wei mit üsem Podcast Persone, wo grd erwachsewärde, mit ihrne “struggles” witerhäufe. Mir verzeue über üsi Problem, so ds si sech nid alleifüehle und dank üsne Expert*inne-Stimme chöi mir üsne Zuehörer*inne ou passendi Lösige mit ufe Wäg gäh. Ih üsne “mit üs im Abteil”-Fouge söue d Zuehörer*inne ds Gfüeu ha, ds si effektiv mit üs im Zugabteil hocke. Ir Gast-Foug wird ahand vomene Gast die vo üs verzeute Erfahrigsbricht verarbeitet, respektive wärde “advices” gäh, so ds d Zuehörer*inne ou öppis chöi lehre.